𝐋𝐈𝐒 𝐖𝐞𝐞𝐤 𝟐𝟎𝟐𝟑, 𝐨𝐩𝐢𝐬𝐲𝐚𝐥 𝐧𝐚𝐧𝐠 𝐬𝐢𝐧𝐢𝐦𝐮𝐥𝐚𝐧

Upang ikintal ang mga kasanayang panlipunan, kalakasan ng mga mag-aaral at itanim sa kanila ang kahalagahan ng pakikipagkapwa at ‘sportsmanship’, opisyal na sinimulan ng Pangasinan State University Laboratory Integrated School ang pagdiriwang ngayon taon ng PSU LIS Week na may temang 𝗣𝗔𝗦𝗜𝗠𝗕𝗔𝗟𝗢 2023: 𝙀𝙢𝙥𝙤𝙬𝙚𝙧𝙞𝙣𝙜 𝙇𝙖𝙗𝙤𝙧𝙖𝙩𝙤𝙧𝙞𝙖𝙣𝙨 𝙩𝙝𝙧𝙤𝙪𝙜𝙝 𝙖 𝘾𝙚𝙡𝙚𝙗𝙧𝙖𝙩𝙞𝙤𝙣 𝙤𝙛 𝙎𝙥𝙤𝙧𝙩𝙨𝙢𝙖𝙣𝙨𝙝𝙞𝙥 𝙖𝙣𝙙 𝘾𝙖𝙢𝙖𝙧𝙖𝙙𝙚𝙧𝙞𝙚 ngayong araw, Mayo 22, sa harap ng PSU- BC Main Building.

Sinimulan ang naturang selebrasyon sa pambungad na parada sa loob ng kampus na agad namang sinundan ng maikling programa. Matapos ay naghatid ng pambungad na mensahe si Assoc Prof. Belinda S. Velasquez na siyang Tagapangulo ng LIS Elementary sinundan naman ng layuning pananalita mula kay Dr. Teresita P. Sunga ang Tagapangulo ng LIS High School.

Bilang pormal na simulan nagbigay ng mensahe ang isa sa mga kapita-pitagang guro at isa rin sa punong abala para sa selebrasyon, ang Principal ng PSU Laboratory Integrated School, Assoc. Prof Tuesday C. De Leon. “𝘈𝘭𝘭 𝘸𝘰𝘳𝘬 𝘢𝘯𝘥 𝘯𝘰 𝘱𝘭𝘢𝘺 𝘮𝘢𝘬𝘦𝘴 𝘑𝘢𝘤𝘬 𝘢 𝘥𝘶𝘭𝘭 𝘣𝘰𝘺,” wika ni Assoc. Prof De Leon. “𝘏𝘪𝘯𝘥𝘪 𝘭𝘢𝘩𝘢𝘵 𝘢𝘺 𝘮𝘢𝘵𝘶𝘵𝘶𝘩𝘢𝘯 𝘴𝘢 𝘭𝘰𝘰𝘣 𝘯𝘨 𝘬𝘭𝘢𝘴𝘦; 𝘣𝘢𝘨𝘬𝘶𝘴 𝘬𝘶𝘯𝘨 𝘮𝘢𝘺𝘳𝘰𝘰𝘯𝘨 𝘬𝘢𝘬𝘢𝘺𝘢𝘩𝘢𝘯𝘨 𝘮𝘢𝘬𝘪𝘪𝘴𝘢 𝘢𝘵 𝘮𝘢𝘬𝘪𝘱𝘢𝘨𝘴𝘢𝘭𝘢𝘮𝘶𝘩𝘢 𝘢𝘯𝘨 𝘣𝘢𝘸𝘢𝘵 𝘮𝘢𝘨-𝘢𝘢𝘳𝘢𝘭 𝘴𝘢 𝘮𝘨𝘢 𝘬𝘢𝘱𝘸𝘢 𝘯𝘪𝘭𝘢 𝘮𝘢𝘨-𝘢𝘢𝘳𝘢𝘭, 𝘢𝘺 𝘭𝘶𝘣𝘰𝘴 𝘯𝘢 𝘮𝘢𝘵𝘶𝘵𝘶𝘩𝘢𝘯 𝘯𝘪𝘭𝘢 𝘢𝘯𝘨 𝘵𝘰𝘵𝘰𝘰𝘯𝘨 𝘴𝘢𝘺𝘢 𝘯𝘨 𝘱𝘢𝘨𝘬𝘢𝘱𝘢𝘯𝘢𝘭𝘰 𝘢𝘵 𝘢𝘯𝘨 𝘩𝘪𝘳𝘢𝘱 𝘢𝘵 𝘴𝘢𝘬𝘪𝘵 𝘯𝘨 𝘱𝘢𝘨𝘬𝘢𝘵𝘢𝘭𝘰,” dagdag ni De Leon, upang lubos na ikintal ang kahalagahan ng kakayahang makiisa at makipagkapwa.

Sinundan ito ng pag-uumpisa na ilan sa mga inihandang aktibidades para sa unang araw ng LIS Week.

Nagtagisan ng galing sa pagkamalikhain ang mga high school students sa Festival of Dance kung saan ay ibinida nila ang iba’t ibang pista dito sa Pilipinas. Nanguna rito ang Orange Phoenix para sa Sinulog Festival na sinundan ng Blue Falcons para sa Panagbenga Festival at Red Cardinals para naman sa Bangus Festival. Samantala, isinagawa naman ng mga Elementary students ang LIS Got talent na pinagbidahan ng mga talentadong estudyante. Ilan sa mga talentong naipamalas ng mga estudyante ng LIS Elementary ay ang pagsayaw at pag-awit.

Ilan pa sa mga inihandang mga gawain sa isang linggong selebrasyon ay ang Career Day, Parlor Games, at Family Day para sa Elementary at Battle of Bands, Cookfest, Shadow Play at Color and Water Fun Run naman sa High school.

Isasagawa ang isang linggong selebrasyon na may layuning makapagbigay ng ngiti sa mga labi, saya sa mga puso at pagkakataon upang maipakita ng mga estudyante ang kanilang natatanging galing sa iba’t ibang larangan—isa sa mga adbokasiya ng PSU Bayambang sa pamumuno ni Dr. Ian D. Evangelista, Ehekutibong Direktor.